مركز الاصابات و الحروق البليغة: الاعتداء بالعنف اللفظي و المادي على الاطار الشبه طبي، شهادة احد الممرضين

السلام عليكم زميلكم أشرف نخدم في المستشفي الجهوي ببن عروس اليسمينات بقسم الإستعجالي بش ندخل في الموضوع ديراكت البارح في ليلة الإستمرار البارح في 25/09/2019 برشة خدمة برشة مرضى ما قصرنا مع حتي حد آنا وكافة الإطار الطبي و الشبه الطبي الكلوار معبي بالمرضى و المرافقين هذا يحب يدخل قبل هذا جات مرا جايبة راجلها وحبت تدخل قبل الناس وقالت راجلي يخدم في الحرس يدخل قبل الناس كي الطبيبة قالتلها يستنا دورو معندوش حاجة إستعجالية بش نسبقو عالناس بدات يا حيوانات يا كلاب ماعندكمش رحمة مكمش رجال و ماكمش نساء وبدات تهيج في الناس لين ناس كل دخلو للكلوار وبداو عاد الناس لي كان واقف يطيح قدامك وبدا السبان والعياط مشينا كافة الزملاء نشوفو فالناس الدايخة بش نسعفوهم وما راعني واحد يصور فينا ويتبع فيا كيفاش نخدم و هوة عندو بوه مريض شادو هو و أختو مشيتلو ديراكت خديتلو تليفونوو قتلو تاخذو في المركز خاتر ما عندكش الحق تصور في مؤسسة عمومية فما سر مهني و فما وفما ....... حب يتهجم عليا و بدات الدنيا تتقلب ناس كل تصور و تسب فينا وبعد قرابة 10 أشخاص تهجمو على زميلنا ضربوه قطعولو الكازاك فكولو تليفونو و واحد جاه من تالي شد pousse seringue حب يظربو باها على راسو الحمد الله دخلنا و منعنا زميلنا منهم و زميلي واحد اخر فك l pousse seringue وخرجها من قاعة العلاج الحاصل جات دورية و جاء معاهم واحد لابس شورط و مريول قالو خو الراجل  لي نحيتلو التاليفون لي يصور فينا بيه و زيد يخدم في الحاكم يكفر و قالي هات التليفون قتلو ناعتيه كان فالمركز الحاصل بعثلي عون بالزي عتيتو التاليفون المفيد جا مدير السبيطار على عين المكان و جاو زملاء من وزارة الصحة و مستشار وزيرة الصحة بحضور السونيور ليلة الإستمرار ومشيت للمركز بش نشكي انا و زملاءي وما راعني إلا فالمركز خرجت أنا غالط هههههههههه كيفاش منعت الراجل مالتصويرو ما عنديش الحق نفكلو تاليفونو وبعد رجعتلو تاليفونو وبالنسبة لأقوال صاحب الهاتف و أختو أنا ظربتهم و سبيتهم و رجعتلهم التاليفون مكسر ههههههه علي حسب منشور وزارة الصحة ممنوع التصوير فالمؤسسات العمومية هي الصحافة قبل متصور في مؤسسة لازمها ترخيص... زيد السيد يصور فيا شخصيا هههههه المفيد السيد مدير المستشفي يعطيه الصحة خذا الموضوع على عاتقو وبعث مكتوب لوزيرة الصحة لتعيين محامي للتكفل بالقضية
هاذي تونس وهاذي الصحة في تونس وعادي تمشي تخدم تروح لأمك في صندوق خاتر حاولت الدافع على روحك

ممرضون منتدبون بصفة تعاقدية دون اجور بعد 8 اشهر من العمل

في اطار الاوضاع الكارثية لقطاع الصحة و الكوارث التي تقع في حق المرضى و العملة تطرح مسألة خطيرة و حساسة فبعد تفشي ظاهرة الانتداب بصفة تعاقدية للممرضين الذي بعتبر جريمة في حقهم لاسباب بعضها معروف و الاخر مجهول و بتعلة ضغط صندوق النقد الدولي و هو ما يعتبر مهزلة حيث لا تزال الانتدابات المباشرة موجودة و ذالك لسد الشغورات و الاخطر انها ممكنة لاصحاب الولاءات حيث يبقى مصير الترسيم في يد المشغل  الذي يقدر على فسخ العقد في اي لحظة و زيادة على هذا لم يتم صرف الاجور لهم بعد برغم من ان بعضهم تجاوز ال8 اشهر عمل و هو ما زرع الخوف في صفوف الممرضين في ضل غموض الاوضاع في انتضار التحرك للمطالبة بتسوية اوضاعهم و صرف اجورهم

فرنسا : انشاء مستشفى للامراض النفسية خاص بالممرضين لعلاج مخلفات ضغط العمل

اقدمت الحكومة الفرنسية ببادرة من وزارة الصحة الى انشاء مستشفى للامراض النفسية خاص باعوان الصحة لعلاج ما قد تخلفه ظروف العمل من ارهاق نفسي للاطار الطبي و الشبه الطبي خاصة حيث ارتفع معدل الاظطرابات النفسية لديهم بصفة ملحوظة في السنوات الخمس الاخيرة وهو ما يعتبر مصدر قلق لوزارة الصحة بما يحمله من تبعيات سلبية على القطاع من تراجع مستوى الخدمات و كثرة العطل المرضية للاعوان و هو ما يعتبر اولوية للتدخل من اجل حماية العملة و قطاع الصحة

دراسة: الممرض اقل موظف يتمتع بالتقاعد لانه يفارق الحياة قبل بلوغ 62 سنة

اثبتت دراسة حديثة قامت بها صفحة infirmier made in tunisia  ان الممرض من بين الموظفين الاقل تمتعا باموال التقاعد فبعد الترفيع في  سن التقاعد الى 62 سنة و مع ظروف العمل الشاقة و ما تخلفه من ارهاق للجسم و امراض مزمنة اصبح الممرض غير قادر على الصمود امام هاته الظروف بجسد منهك و اغلبهم ما يفارق الحياة قبل بلوغ سن التقاعد او بعدة بسنوات قليلة و هو ما يطرح عديد الاسالة فكيف يكون سن التقاعد 62 سنة لمهنة مثل مهنة التمريض

بعد العلاج بالموسيقى اعتماد التنويم المغناطيسي لتخدير المرضى قبل اجراء العمليات الجراحية

بعد انتشتر اخبار عن اعتزام وزارة الصحة اتابع الموسيقى كوسيلة للعلاج في المستشفيات العمومية و ما تلقاه هذا الخبر من ردود فعل مختلفة من ابناء القطاع تعتزم وزارة الصحة اعتماد التنويم المغناطيسي كوسيلة لتخدير المرضى قبل احراء العمليات الجراحية كما التزمت الوزارة على الاشراف على تكوين الاطارات الطبية و الشبه الطبية من تقني تخدير و تمكينهم من تربصات في الخارج لتمكينهم من تنويم المرضى و تعتبر هاته الخطوة سابقة من نوعها في العالم و ينتظر ان ترتقي بالصحة في تونس الى العلمية